లక్ష్మీ బాంబ్ హిందీ మూవీ ఫస్ట్ లుక్ పోస్టర్

రాఘవ లారెన్స్ హీరోగా స్వీయ దర్శకత్వంలో రూపొందిన హారర్ కామెడీ కాంచన మూవీ తెలుగు,తమిళ భాషలలో ఘనవిజయం సాధించింది. ఇప్పుడు కాంచన మూవీ హిందీలో రీమేక్ అవుతుంది. కేప్ ఆఫ్ గుడ్ ఫిల్మ్స్, తుషార్ ఎంటర్ టైన్ మెంట్ హౌస్, షబానా ఎంటర్ టైన్ మెంట్ బ్యానర్స్ పై లారెన్స్ దర్శకత్వం లో స్టార్ హీరో అక్షయ్ కుమార్ హీరోగా లక్ష్మీ బాంబ్ టైటిల్ తో రూపొందుతుంది. కియారా అద్వానీ హీరోయిన్ గా , తమిళ హీరో మాధవన్ ఒక కీలక పాత్రలో నటిస్తున్నారు.

లక్ష్మీ బాంబ్ మూవీ తో రాఘవ లారెన్స్ డైరెక్టర్ గా బాలీవుడ్ లో ప్రవేశిస్తున్నారు. లక్ష్మీ బాంబ్ మూవీ ఫస్ట్ లుక్ పోస్టర్ ను ఈ రోజు {18వ తేదీ )సోషల్ మీడియా ద్వారా అక్షయ్ కుమార్ రిలీజ్ చేశారు. ఫస్ట్ లుక్ పోస్టర్ లో అక్షయ్ కుమార్ కళ్ళకు కాటుక దిద్దుకుంటున్నట్టుగా ఉంది. లక్ష్మీ బాంబ్ మూవీ లోని ఒక బాంబ్ ను రిలీజ్ చేస్తున్నాం అని క్యాప్షన్ పెట్టారు. కాంచన మూవీ హిందీ భాషలో కూడా ఘనవిజయం సాధించాలని కోరుకుందాం.