గోవాలో ‘ఇస్మార్ట్ శంకర్’ ఆటాపాటా

ఎన‌ర్జిటిక్ స్టార్ రామ్ హీరోగా నటిస్తున్న చిత్రం ‘ఇస్మార్ట్ శంకర్’. ‘డబుల్ దిమాక్ హైదరాబాదీ’ అనేది ట్యాగ్‌లైన్‌. డాషింగ్ డైరెక్టర్ పూరి జగన్నాథ్ తెరకెక్కిస్తున్న ఈ చిత్రంలో నిధి అగర్వాల్, నభా నటేష్ హీరోయిన్లుగా నటిస్తున్నారు. పవర్ ప్యాక్డ్‌ యాక్షన్ ఎంటర్‌టైనర్‌గా రూపొందుతున్న‌ ఈ సినిమాకి సంబంధించిన టాకీ పార్టు ఇటీవ‌లే పూర్త‌య్యింది. కేవ‌లం నాలుగు పాట‌ల చిత్రీక‌ర‌ణ మాత్ర‌మే మిగిలి ఉంది.

కాగా… ప్రస్తుతం గోవాలో ఓ పాట చిత్రీకరణ జరుపుకుంటోందీ చిత్రం. డ్యాన్స్ మాస్టర్ భాను పర్యవేక్షణలో రామ్, నభా నటేష్ పై ఈ పాటను తెరకెక్కిస్తున్నారు. అనంత‌రం మిగిలిన మూడు పాట‌ల‌ను శ‌ర‌వేగంగా పూర్తిచేయ‌నున్నారు. రామ్, పూరి కలయికలో వస్తున్న తొలి చిత్రం కావడంతో ఈ సినిమాపై మంచి అంచనాలే ఉన్నాయి. మ‌ణిశ‌ర్మ స్వరాలు స‌మ‌కూరుస్తున్న ఈ చిత్రానికి… పూరి, ఛార్మి నిర్మాతలుగా వ్యవహరిస్తున్నారు. కాగా… ఈ సినిమాని జూన్ నెలాఖరులో గాని లేదా జూలై మొదటి వారంలో గాని ప్రేక్షకుల ముందుకు తీసుకురావడానికి ప్లాన్ చేస్తున్నారు.

[subscribe]
[youtube_video videoid=_KLYon_U6iE]