మ‌రోసారి సంక్రాంతికి రానున్న `డిస్కో రాజా`?

మాస్ మ‌హరాజా ర‌వితేజ ప్ర‌స్తుతం డిస్కో రాజా అనే చిత్రంలో న‌టిస్తున్న సంగ‌తి తెలిసిందే. సైంటిఫిక్ ఫిక్ష‌న్ మూవీగా తెర‌కెక్కుతున్న ఈ సినిమాలో ర‌వితేజ తండ్రీకొడుకులుగా ద్విపాత్రాభిన‌యం చేస్తున్నాడు. అంతేకాదు… పిరియాడిక్ బ్యాక్ డ్రాప్‌లో ఈ క్రేజీ ప్రాజెక్ట్ తెర‌కెక్కుతోంది. ఎక్క‌డికి పోతావు చిన్న‌వాడా ఫేమ్ వీఐ ఆనంద్ రూపొందిస్తున్న ఈ చిత్రం ఇటీవ‌లే ఓ షెడ్యూల్‌ని పూర్తిచేసుకుంది. కాగా… త‌దుప‌రి షెడ్యూల్ మే మూడో వారం నుంచి జ‌రుగ‌నుంద‌ని స‌మాచారం. ఆ పై శ‌ర‌వేగంగా చిత్రీక‌ర‌ణ జ‌రిపి… వి.ఎఫ్‌.ఎక్స్ వ‌ర్క్‌పై దృష్టి సారించ‌నున్నార‌ని తెలిసింది. అలాగే… సంక్రాంతికి ఈ సినిమాని ప్రేక్ష‌కుల ముందుకు తీసుకురావాల‌ని చిత్ర యూనిట్ ప్లాన్ చేస్తోంద‌ట‌.

ఇదివ‌ర‌కు సంక్రాంతి సీజ‌న్‌లో ర‌వితేజ హీరోగా ఈ అబ్బాయి చాలా మంచోడు, కృష్ణ‌, శంభో శివ శంభో, మిర‌ప‌కాయ్‌ చిత్రాలు రాగా… వీటిలో కృష్ణ‌, మిర‌పకాయ్‌ ఘ‌న‌విజ‌యం సాధించాయి. ఈ నేప‌థ్యంలో డిస్కో రాజా కూడా అదే బాట‌లో వెళుతుందేమో చూడాలి. పాయ‌ల్ రాజ్‌పుత్‌, న‌భా నటేష్ హీరోయిన్లుగా న‌టిస్తున్న డిస్కో రాజా చిత్రాన్ని రామ్ తాళ్ళూరి నిర్మిస్తున్నాడు.

[subscribe]

[youtube_video videoid=oFiUUrzcZ2g]