బన్నీ-త్రివిక్రమ్ మూవీ షూటింగ్ ప్రారంభం

త్రివిక్రమ్ శ్రీనివాస్, స్టైలిష్ స్టార్ అల్లు అర్జున్ కాంబినేషన్ లో సినిమా తెరకెక్కబోతున్న సంగతి తెలిసిందే. ఈ సినిమా ఇటీవలే పూజా కార్యక్రమాలను జరుపుకుంది. అయితే ఈసినిమా రెగ్యూలర్ షూటింగ్ ఎప్పుడు స్టార్ట్ అవుతుందా అని చూస్తున్న ఎదురుచూపులకు బ్రేక్ పడింది. ఫైనల్ గా ఈ రోజు ఈసినిమా షూటింగ్ ను ప్రారంభించారు చిత్రయూనిట్. హైదరాబాద్ లోని బేగంపేట పోలీస్ లైన్స్ లో తొలి షెడ్యూల్ షూటింగును ప్రారంభించినట్టు తెలుస్తోంది. కొన్ని ముఖ్యమైన సన్నివేశాలను ఇక్కడ చిత్రీకరించనున్నారట.

కాగా ఈ సినిమాలో మరోసారి పూజా హెగ్డే బన్నీతో జతకట్టనుంది. వీరిద్దరూ కలిసి గతంలో హరీష్ శంకర్ దర్శకత్వంలో ‘దువ్వాడ జగన్నాథమ్‌’ చిత్రంలో నటించారు. ఇంకా ఈ సినిమాలో టబు, సత్యరాజ్, రాజేంద్ర ప్రసాద్, సునీల్, నవదీప్, బ్రహ్మాజీ, రావు రమేష్, మురళీ శర్మ తదితరులు కీలక పాత్రల్లో నటిస్తున్నారు. హారిక-హాసిని క్రియేషన్స్‌, గీతా ఆర్ట్స్‌ సంస్థలు సంయుక్తంగా నిర్మిస్తున్న ఈ సినిమాకు థమన్ సంగీతం అందిస్తున్నాడు.

మరి గతంలో బన్ని, త్రివిక్రమ్ కాంబినేషన్ లో వచ్చిన జులాయి, సన్ అఫ్ సత్యమూర్తి మంచి విజయాలను సాధించాయి. మరి ఈ సినిమా ఎలా ఉంటుందో…? ఈ సినిమాతో హ్యాట్రిక్ సాధిస్తారో లేదో చూద్దాం..

[subscribe]

[youtube_video videoid=U-sCD-aCa6o]