మెగాస్టార్ తో కల నిజమైనవేళ!

సురేందర్ రెడ్డి దర్శకత్వంలో చిరంజీవి ప్రధాన పాత్రలో స్వతంత్య్ర సమరయోధుడు సైరా నరసింహారెడ్డి జీవితచరిత్ర ఆధారంగా సైరా సినిమా తెరకెక్కుతున్న సంగతి తెలిసిందే. ఈ సినిమాలో చిరుతో పాటు అమితాబ్ బచ్చన్, జగపతిబాబు, సుదీప్, విజయ్ సేతుపతి ఇలా ఎంతో మంది ప్రముఖ నటులు నటిస్తున్న సంగతి కూడా విదితమే. ఇక ఈసినిమాలో చరణ్ దీప్ కూడా ఓ పాత్రలో నటిస్తున్నాడు.

ఈ నేపథ్యంలో తాను మెగాస్టార్ చిరంజీవితో కలిసి ఓ ఫొటో దిగి దానిని సోషల్ మీడియాలో పోస్ట్ చేశాడు. లెజెండ్, మెగాస్టార్, ఏ మ్యాన్ ఆఫ్ యాక్షన్స్, ఏ మ్యాన్ ఆఫ్ క్యారెక్టర్.. చిరంజీవి గారితో ట్రావెల్ చేస్తున్నాను. థ్యాంక్స్ సార్ మీ విలువైన సలహాలు, అనుభవాలు నాతో పంచుకున్నందుకు… నేను కేరీర్ లో ఎదగడానికి అవి చాలా బాగా ఉపయోగపడతాయి అని పోస్ట్ లో రాశాడు. అంతేకాదు… సైరాలో లాస్ట్ షెడ్యూల్ లో ఉన్నాం.. ఈ షెడ్యూల్ లో నా పార్ట్ చివరి దశకు వచ్చిందని తెలిపాడు.

[subscribe]

[youtube_video videoid=Xt7j28oBAh8]