సీనియ‌ర్ హీరో అక్కినేని నాగార్జున స్వ‌ల్ప విరామం త‌రువాత మ‌ళ్ళీ తెలుగు చిత్రాల‌పై దృష్టి పెట్టాడు. ఆస‌క్తిక‌ర‌మైన విష‌య‌మేమిటంటే… ప్ర‌స్తుతం నాగ్ న‌టిస్తున్న రెండు తెలుగు చిత్రాలు కూడా త‌న బ్లాక్ బ‌స్ట‌ర్ మూవీస్‌కి సీక్వెల్స్ కావ‌డం విశేషం. ఆ సీక్వెల్సే… మ‌న్మ‌థుడు 2, బంగార్రాజు. అంతేకాదు… ఈ రెండు సినిమాల‌నూ త‌నే స్వ‌యంగా నిర్మించ‌డ‌మే కాకుండా… ఈ చిత్రాల్లో కుటుంబ స‌భ్యుల‌కు కూడా చోటిచ్చాడు నాగ్.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఆ వివ‌రాల్లోకి వెళితే… ‘మ‌న్మ‌థుడు’కి సీక్వెల్‌గా తెర‌కెక్కుతున్న చిత్రం ‘మ‌న్మ‌థుడు 2’. రాహుల్ ర‌వీంద్ర‌న్‌ ద‌ర్శ‌క‌త్వం వ‌హిస్తున్న ఈ సినిమాలో నాగ్‌కి జోడీగా ర‌కుల్ ప్రీత్ సింగ్ న‌టిస్తుండ‌గా… నాగ్ కోడ‌లు, న‌టి స‌మంత ఓ కీల‌క పాత్ర‌లో ద‌ర్శ‌న‌మివ్వ‌నుంది. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ సినిమా… ఈ ఏడాది ద్వితీయార్ధంలో తెర‌పైకి కానుంది.
కాగా… జూలై నుంచి ప‌ట్టాలెక్క‌నున్న సోగ్గాడే చిన్ని నాయ‌నా సీక్వెల్ బంగార్రాజుకి క‌ళ్యాణ్ కృష్ణ ద‌ర్శ‌క‌త్వం వ‌హిస్తుండ‌గా… ఇందులో నాగ్ త‌న‌యుడు, యువ క‌థానాయ‌కుడు నాగ‌చైత‌న్య ఓ ముఖ్య భూమిక పోషించ‌నున్నాడు. వ‌చ్చే ఏడాది సంక్రాంతికి ఈ సినిమా ప్రేక్ష‌కుల ముందుకు వ‌చ్చే అవ‌కాశ‌ముంది. మ‌రి… కుటుంబ స‌భ్యుల‌తో నాగ్ న‌టిస్తున్న ఈ బ్యాక్ టు బ్యాక్ సీక్వెల్స్ ఏ మేరకు అల‌రిస్తాయో చూడాలి.
[subscribe]
[youtube_video videoid=j7B34XDQ3Bo]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
