గత ఏడాది వేసవికి విడుదలైన ‘నా పేరు సూర్య నా ఇల్లు ఇండియా’ తర్వాత కొంత గ్యాప్ తీసుకున్న స్టైలిష్ స్టార్ అల్లు అర్జున్… వరుసగా మూడు ప్రాజెక్ట్లను అంగీకరించిన సంగతి తెలిసిందే. త్రివిక్రమ్, సుకుమార్,ఎంసీఏ
ఫేమ్ వేణు శ్రీరామ్ కాంబినేషన్లో ఈ సినిమాలు చేస్తున్నాడు బన్నీ. ‘జులాయి’, ‘సన్నాఫ్ సత్యమూర్తి’ వంటి విజయవంతమైన చిత్రాల తర్వాత త్రివిక్రమ్ దర్శకత్వంలో అల్లు అర్జున్ నెక్ట్స్ ప్రాజెక్ట్ చేస్తున్న విషయం విదితమే. తాజాగా పూజా కార్యక్రమాలను కూడా జరుపుకున్న ఈ సినిమా… ఏప్రిల్ 24 నుంచి రెగ్యులర్ షూటింగ్ జరుపుకోనుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఫాదర్ సెంటిమెంట్ నేపథ్యంలో సాగే ఈ చిత్రానికి నాన్న నేను
అనే టైటిల్ ప్రచారంలో ఉంది. తండ్రీకొడుకుల మధ్య సాగే భావోద్వేగభరిత కథతో ఈ సినిమా ఉంటుంది. ఈ చిత్రాన్ని సాధ్యమైనంత త్వరగా పూర్తి చేసి… సుకుమార్ డైరెక్షన్లో తన తదుపరి సినిమా చేయనున్నాడు బన్నీ. ఎర్ర చందనం స్మగ్లింగ్ నేపథ్యంలో సాగే ఈ చిత్రంలో బన్నీ స్మగ్లర్ పాత్రలో కనిపిస్తాడని టాక్. అంతేకాదు… బన్నీ – సుకుమార్ కాంబినేషన్లో వచ్చిన ఆర్య
, ఆర్య 2
కంప్లీట్ లవ్ స్టోరీస్ కాగా…. ఈ చిత్రంలోనూ కొత్త తరహా ప్రేమ సన్నివేశాలకు చోటుంటుందని టాక్.
ఇక వేణు శ్రీరామ్ డైరెక్షన్లో చేస్తున్న ఐకాన్
విషయానికి వస్తే… జీవితాన్ని శోధించే ఓ యువకుడి కథగా ఈ థ్రిల్లర్ సబ్జెక్ట్ ఉంటుందని సమాచారం. త్రివిక్రమ్, సుకుమార్ సినిమాలు పూర్తైన తర్వాత ఈ సినిమా సెట్స్ పైకి వెళ్లే అవకాశముంది. మొత్తానికి ఏడాది గ్యాప్ తీసుకున్నా… మూడు వైవిధ్యభరితమైన కథాంశాలతో కూడిన చిత్రాలను, పాత్రలను ఎంచుకుని… అటు అభిమానులను, ఇటు ప్రేక్షకులను అలరించడానికి బన్నీ సిద్ధమవుతున్నాడన్న మాట.
[subscribe]
[youtube_video videoid=lS5CrgkciTo]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: