రాక్షసుడు ఫస్ట్ లుక్ రిలీజ్

తాజాగా కవచం సినిమాతో ఆడియన్స్‌ను పలకరించిన బెల్లంకొండ సాయి శ్రీనివాస్ త్వరలో సీత సినిమాతో ప్రేక్షకుల ముందుకురానున్న సంగతి తెలిసిందే. ఈ సినిమాతో పాటు సాయి మరికొన్ని సినిమాల్లో కూడా నటిస్తున్నాడు. అందులో కోలీవుడ్‌ లో హిట్టయిన రాక్షసన్ రీమేక్ కూడా ఒకటి. ప్రస్తుతం ఈ సినిమా షూటింగ్ జరుపుకుంటుంది. ఈ నేపథ్యంలోనే నిన్న ఈసినిమా టైటిల్ పోస్టర్ ను రిలీజ్చేయగా.. ఈరోజు ఉగాది పండుగ సందర్బంగా ఈ సినిమా ఫస్ట్ లుక్ ను రిలీజ్ చేశారు చిత్రయూనిట్.

కాగా సైకో కిల్లర్‌ నేపథ్యంలో తెరకెక్కుతున్న ఈ మూవీలో అనుపమా పరమేశ్వరన్ హీరోయిన్‌గా నటిస్తోంది. రైడ్‌, వీర ఫేమ్‌ రమేష్‌ వర్మ ఈ చిత్రానికి దర్శకత్వం వహిస్తున్నాడు. జిబ్రాన్ ఈ చిత్రానికి సంగీతం సమకూరుస్తున్నారు. హవీష్ లక్ష్మణ్ ప్రొడక్షన్‌లో ఎ స్టూడియోస్ బ్యానర్‌పై కోనేరు సత్యనారాయణ నిర్మిస్తున్న ఈ సినిమా‌ని జూన్‌లో రిలీజ్ చేయడానికి సన్నాహాలు చేస్తున్నారు.