రాజ్ త‌రుణ్‌కి జోడీగా మేఘా ఆకాష్‌?

`లై` చిత్రంతో తెలుగు తెర‌కు క‌థానాయిక‌గా ప‌రిచ‌య‌మైంది మేఘా ఆకాష్‌. ఆ త‌రువాత `ఛ‌ల్ మోహ‌న్ రంగ‌`లోనూ క‌నువిందు చేసింది. ఈ రెండు సినిమాల్లోనూ నితిన్ హీరోగా న‌టించిన సంగ‌తి తెలిసిందే. మొద‌టి రెండు తెలుగు చిత్రాల్లోనూ సోలో హీరోయిన్‌గా న‌టించిన మేఘ‌కి… చాన్నాళ్ళ త‌రువాత తెలుగు ప‌రిశ్ర‌మ నుంచి మ‌రో అవ‌కాశం ద‌క్కింద‌ని స‌మాచారం.

ఆ వివ‌రాల్లోకి వెళితే… యువ క‌థానాయ‌కుడు రాజ్ త‌రుణ్‌తో ప్ర‌ముఖ నిర్మాత `దిల్‌` రాజు ఓ యూత్‌ఫుల్ ఎంట‌ర్‌టైన‌ర్‌ని నిర్మించ‌నున్న విష‌యం తెలిసిందే. కృష్ణారెడ్డి ద‌ర్శ‌కత్వంలో తెర‌కెక్క‌నున్న ఈ సినిమాకి సంబంధించిన ప్రీ ప్రొడ‌క్ష‌న్ ప‌నులు తుది ద‌శ‌కు చేరుకున్నాయి. త్వ‌ర‌లోనే ఈ ఇంట్రెస్టింగ్ ప్రాజెక్ట్ సెట్స్‌పైకి వెళ్ళ‌నుంది. కాగా… ఈ చిత్రంలో రాజ్ త‌రుణ్‌కి జోడీగా న‌టించే అవ‌కాశం మేఘా ఆకాష్‌కి ద‌క్కింద‌ని టాలీవుడ్ టాక్‌. మ‌రి… గ‌త రెండు సినిమాల్లోనూ సోలో హీరోయిన్‌గా న‌టించిన మేఘ‌… ఈ చిత్రంలోనూ అదే త‌ర‌హాలో సాగుతుందేమో చూడాలి.