మజిలీ నుండి మనసుదోచే మరో పాట

శివ నిర్వాణ దర్శకత్వంలో నాగచైతన్య, సమంత జంటగా ‘మజిలీ’ సినిమా రూపొందుతున్న సంగతి తెలిసిందే. ఇటీవలే షూటింగ్ పూర్తి చేసుకున్న ఈసినిమా వచ్చే నెల (ఏప్రిల్) 5వ తేదీన రిలీజ్ కానుంది. ఇక రిలీజ్ డేట్ కూడా దగ్గర పడుతుండటంతో ప్రమోషన్ కార్యక్రమాలు కూడా మొదలుపెట్టారు చిత్రయూనిట్. చైసామ్ పలు ఇంటర్వ్యూల్లో కూడా పాల్గొంటున్నారు.

ఇక ఇప్పుడు తాజాగా ఈ సినిమా నుండి మరో సాంగ్ ను రిలీజ్ చేశారు చిత్రయూనిట్. “యేడెత్తు మల్లెలే కొప్పులోన చేరే దారే లేదే .. నీ తోడు కోయిలే పొద్దుగూకే వేళ కూయలేదే ..” అంటూ సాగే ఈ పాట లిరికల్ వీడియోను రిలీజ్ చేశారు. ఈ పాటలో గోపి సుందర్ సంగీతం.. శివ నిర్వాణ సాహిత్యం .. కాలభైరవ – నిఖిత గాంధీ ఆలాపన బాగున్నాయి.

కాగా ఈ సినిమాలో హిందీ నటి దివ్యంశ కౌశిక్ కూడా మరోక కీలక పాత్రలో నటిస్తుంది. ఇంకా రావు రమేశ్‌, పోసాని కృష్ణమురళి, సుబ్బరాజులు ప్రధాన పాత్రలు పోషిస్తున్నారు. షైన్ స్క్రీన్స్ ప‌తాకంపై హ‌రీష్ పెద్ది, సాహు గ‌ర‌పాటి సంయుక్తంగా నిర్మిస్తున్న ఈ సినిమాకు గోపిసుందర్ సంగీతం అందిస్తున్నాడు.