ఆరోసారి రిపీట్ చేస్తున్న రాజ‌మౌళి

తెలుగునాట నంబ‌ర్ వ‌న్ డైరెక్ట‌ర్‌గా కొన‌సాగుతున్నాడు ఎస్‌.ఎస్‌.రాజ‌మౌళి. ఇప్ప‌టివ‌ర‌కు 11 చిత్రాల‌ను రూపొందించిన జ‌క్క‌న్న‌… ఆయా సినిమాల‌తో ఘ‌న‌విజ‌యాల‌ను న‌మోదు చేసుకున్నాడు. ప్ర‌స్తుతం 12వ చిత్రంగా `ఆర్ ఆర్ ఆర్‌`ను తెర‌కెక్కిస్తున్నాడు. యంగ్ టైగ‌ర్ య‌న్టీఆర్‌, మెగాప‌వ‌ర్ స్టార్ రామ్ చ‌ర‌ణ్ కాంబినేష‌న్‌లో సిస‌లైన మ‌ల్టీస్టార‌ర్‌గా ఈ భారీ బ‌డ్జెట్ మూవీ తెర‌కెక్కుతోంది. ఇదిలా ఉంటే… ఈ సినిమా విడుద‌ల తేదిని జూలై 30, 2020గా ప్ర‌క‌టించిన సంగ‌తి తెలిసిందే.

ఆస‌క్తిక‌ర‌మైన చిత్ర‌మేమిటంటే… ఈ జూలై నెల‌లో రాజ‌మౌళి నుంచి ఆరో చిత్ర‌మిది. గ‌తంలో ఇదే నెల‌లో `సింహాద్రి` (2003), `మ‌గ‌ధీర‌` (2009), `మ‌ర్యాద‌రామ‌న్న‌` (2010), ఈగ (2012), బాహుబ‌లి – ది బిగినింగ్ (2015) సినిమాలు విడుద‌లై ఘ‌న‌విజ‌యం సాధించాయి. ఈ నేప‌థ్యంలో… ఆరో చిత్రంగా వ‌స్తున్న `ఆర్ ఆర్ ఆర్‌` కూడా బాక్సాఫీస్ వ‌ద్ద వ‌సూళ్ళ కుంభ‌వృష్టి కురిపిస్తుందేమో చూడాలి. మొత్తం 12 రిలీజ్‌ల్లో… ఆరు చిత్రాలు ఒకే నెల‌ను టార్గెట్ చేసుకోవ‌డం విశేష‌మ‌నే చెప్పాలి. మ‌రి…రాజ‌మౌళికి, ఈ జూలై నెల‌తో ఉన్న ప్ర‌త్యేక అనుబంధం ఏమిటో!