వేస‌విలో క్యూ క‌డుతున్న ఆస‌క్తిక‌ర‌మైన చిత్రాలు

Tollywood Movies gearing up for Summer Releases,Telugu Filmnagar,Telugu Film Updates,Tollywood Cinema News,2019 Latest Telugu Movie News,Tollywood Movies Release in Summer Month,2019 Upcoming Telugu Movies,Telugu Movies For Summer Releases,Summer 2019 Telugu Movies Release Dates
Tollywood Movies gearing up for Summer Releases

ఎప్ప‌టిలాగే ఈ ఏడాదిలో కూడా వేస‌వి బ‌రిలో ఆస‌క్తిక‌ర‌మైన సినిమాలు సంద‌డి చేయ‌నున్నాయి. మార్చి ద్వితీయార్ధంతో మొద‌లై జూన్ ప్ర‌థ‌మార్ధంతో ముగిసే ఈ సీజ‌న్‌లో… దాదాపు ప్ర‌తీ వారం ఇంట్రెస్టింగ్ ప్రాజెక్ట్స్ తెర‌పైకి రాబోతున్నాయి. ముఖ్యంగా ఏప్రిల్, మే నెల‌లో బాక్సాఫీస్ వ‌ద్ద ఆస‌క్తిక‌ర‌మైన చిత్రాలు సంద‌డి చేయ‌నున్నాయి. ఏప్రిల్ 5న యువ సామ్రాట్ నాగ‌చైత‌న్య‌, స‌మంత జంట‌గా న‌టించిన `మ‌జిలీ` విడుద‌ల కానుండ‌గా… 12న సుప్రీమ్ హీరో సాయిధ‌ర‌మ్ తేజ్‌, క‌ళ్యాణి ప్రియ‌ద‌ర్శ‌న్‌, నివేదా పేతురాజ్ న‌టిస్తున్న `చిత్ర ల‌హ‌రి` తెర‌పైకి రానుంది. ఇక అదే నెల 19న నేచుర‌ల్ స్టార్ నాని, శ్ర‌ద్ధా శ్రీ‌నాథ్ జంట‌గా న‌టిస్తున్న స్పోర్ట్స్ డ్రామా `జెర్సీ` భారీ అంచ‌నాల మ‌ధ్య విడుద‌ల కానుంది.

ఆ త‌రువాత రెండు వారాలకు సంబంధించిన విడుద‌ల తేదీల‌పై క్లారిటీ రావాల్సి ఉంది. ఇక మే 9న ఈ వేస‌వికే ప్ర‌ధాన ఆక‌ర్ష‌ణ‌గా నిలువ‌నున్న `మ‌హ‌ర్షి` రిలీజ్ కానుంది. సూప‌ర్ స్టార్ మ‌హేష్ బాబు హీరోగా న‌టిస్తున్న 25వ చిత్రం కావ‌డంతో… ఈ సినిమాపై భారీ స్థాయి అంచ‌నాలు నెల‌కొన్నాయి. ఇక మే 22న యూత్ ఐకాన్ విజ‌య్ దేవ‌ర‌కొండ‌, ర‌ష్మిక మంద‌న్న జంట‌గా న‌టిస్తున్న `డియ‌ర్ కామ్రేడ్‌` రిలీజ్ కానుంది. `గీత గోవిందం` త‌రువాత విజ‌య్‌, ర‌ష్మిక కాంబినేష‌న్‌లో వ‌స్తున్న సినిమా కావ‌డంతో ఈ ప్రాజెక్ట్‌పైనా మంచి అంచ‌నాలే ఉన్నాయి. ఇక మే చివ‌రి వారంలో యంగ్ హీరో శ‌ర్వానంద్, కాజ‌ల్‌, క‌ళ్యాణి న‌టిస్తున్న పేరు నిర్ణ‌యించ‌ని సుధీర్ వ‌ర్మ చిత్రం విడుద‌ల కానుంది. మే 31న ఈ సినిమా తెర‌పైకి రానుంద‌ని టాక్‌. అలాగే ఎన‌ర్జిటిక్ స్టార్ రామ్ హీరోగా డాషింగ్ డైరెక్ట‌ర్ పూరీ జ‌గ‌న్నాథ్ రూపొందిస్తున్న `ఇస్మార్ట్ శంక‌ర్‌` కూడా మే నెల‌లో ప్రేక్ష‌కుల ముందుకు రానుంది.

మ‌రి… ఈ క్రేజీ ప్రాజెక్ట్స‌లో ఏ చిత్రానికి ప్రజాద‌ర‌ణ ద‌క్కుతుందో తెలియాలంటే మ‌రి కొన్నాళ్ళు ఆగాల్సిందే.

Subscribe to our Youtube Channel Telugu Filmnagar for the latest Tollywood updates.
Download the My Mango App for more amazing videos from the Tollywood industry.


LEAVE A REPLY

Please enter your comment!
Please enter your name here