త‌మ‌న్నా న‌ట‌న‌కు ప్ర‌శంస‌లు

ఎలాంటి పాత్ర‌లోనైనా ఒదిగిపోయే ఈ త‌రం క‌థానాయిక‌ల్లో మిల్కీ బ్యూటీ త‌మ‌న్నా ఒక‌రు. ముఖ్యంగా… తెలుగు, త‌మిళ భాష‌ల్లో గ్లామ‌ర్ ఓరియెంటెడ్ రోల్స్‌తో పాటు పెర్‌ఫార్మెన్స్ ఓరియెంటెడ్ రోల్స్‌లోనూ త‌న మార్క్ న‌ట‌న‌తో ఆక‌ట్టుకుంది ఈ ముద్దుగుమ్మ‌. ఇప్పుడు… మ‌రోసారి న‌టిగా మంచి మార్కులు సంపాదించుకుంది త‌మ‌న్నా.

ఆ వివ‌రాల్లోకి వెళితే… తాజాగా `క‌న్నే క‌లైమానే` అనే త‌మిళ చిత్రంలో న‌టించింది త‌మ‌న్నా. ఉద‌య‌నిధి స్టాలిన్ హీరోగా శీను రామ‌స్వామి ద‌ర్శ‌క‌త్వంలో రూపొందిన ఈ సినిమా… ఈ శుక్ర‌వారం తెర‌పైకి వ‌చ్చింది. ఇందులో ఇప్ప‌టివ‌ర‌కు పోషించ‌ని స‌రికొత్త పాత్ర‌లో త‌మ‌న్నా ద‌ర్శ‌న‌మిచ్చింది. డీ గ్లామ‌ర్ లుక్స్ లో నేచుర‌ల్ యాక్టింగ్‌తో త‌మ్మూ… కెరీర్ బెస్ట్ పెర్‌ఫార్మెన్స్ ఇచ్చింద‌ని విమ‌ర్శ‌కులు ప్ర‌శంస‌ల వ‌ర్షం కురిపిస్తున్నారు. బాక్సాఫీస్ స్టామినా ఎలా ఉన్నా… ఈ సినిమా మాత్రం త‌మ‌న్నా కెరీర్‌లో ఎంతో ప్ర‌త్యేక‌మ‌ని వారు పేర్కొంటున్నారు. మ‌రి… త‌మ్మూకి న‌టిగా మంచి గుర్తింపు తీసుకువ‌చ్చిన `కన్నే క‌లైమానే` తెలుగులోనూ డ‌బ్బింగ్ అవుతుందేమో చూడాలి.