ఫ్యామిలీ ఎంటర్టైనర్స్కు కేరాఫ్ అడ్రస్గా నిలచిన కథానాయకుల్లో విక్టరీ వెంకటేష్ ఒకరు. కెరీర్లో సింహభాగం ఈ తరహా చిత్రాలతోనే అలరించి… పలు ఘనవిజయాలను అందుకున్నారాయన. వాటిలో… 2005లో విడుదలైన `సంక్రాంతి` ఒకటి. తమిళ చిత్రం `ఆనందం` (2001)కి రీమేక్గా తెరకెక్కిన ఈ సినిమాలో వెంకటేష్కి జోడీగా స్నేహ, ఆర్తి అగర్వాల్ నటించగా ఇతర ముఖ్య పాత్రల్లో శ్రీకాంత్, సంగీత, శివబాలాజీ, రతి, శర్వానంద్, చంద్రమోహన్, శారద తదితరులు నటించారు. ముప్పలనేని శివ దర్శకత్వంలో రూపొందిన ఈ చిత్రాన్ని సూపర్గుడ్ ఫిల్మ్స్ సంస్థ నిర్మించగా… ఎస్.ఎ.రాజ్ కుమార్ స్వరాలు అందించారు. ఫిబ్రవరి 18, 2005న విడుదలై మ్యూజికల్ ఎంటర్టైనర్గా మురిపించిన `సంక్రాంతి`… నేటితో 14 వసంతాలను పూర్తి చేసుకుంటోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
`సంక్రాంతి` – కొన్ని విశేషాలు:
* `నువ్వు నాకు నచ్చావ్`, `వసంతం` తరువాత వెంకటేష్, ఆర్తి అగర్వాల్ కాంబినేషన్లో వచ్చిన సినిమా ఇది. ఈ చిత్రంతో వెంకీ, ఆర్తి జోడీ `హ్యాట్రిక్ పెయిర్` అనిపించుకుంది.
* ఈ సినిమాలో వెంకటేష్కి జోడీగా తొలి సారిగా నటించిన స్నేహ… ఒరిజినల్ వెర్షన్ `ఆనందం`లోనూ నటించింది. అయితే… ఇక్కడ రతి పోషించిన పాత్రని అక్కడ స్నేహ చేసింది. కట్ చేస్తే… నాలుగేళ్ళ తరువాత వచ్చిన రీమేక్లో తనే మెయిన్ హీరోయిన్గా నటించడం విశేషం.
* వెంకటేష్, ఎస్.ఎ.రాజ్ కుమార్ కాంబినేషన్లో వచ్చిన సినిమాలన్నీ మ్యూజికల్ సెన్సేషన్స్ గా నిలచాయి. `సూర్యవంశం`, `రాజా`, `కలిసుందాం.. రా!`, `వసంతం` తరువాత వచ్చిన `సంక్రాంతి` కూడా అదే జాబితాలో చేరింది. ఈ సినిమానే ఈ ఇద్దరి కాంబినేషన్లో ఆఖరి చిత్రం కావడం విశేషం.
* వెంకటేష్ – ఎస్.ఎ.రాజ్కుమార్ – సూపర్ గుడ్ ఫిల్మ్స్ కాంబినేషన్లో వచ్చిన హ్యాట్రిక్ మూవీ ఇది. `సూర్య వంశం`, `రాజా`, `సంక్రాంతి` చిత్రాలతో ఈ త్రయం హ్యాట్రిక్ని సొంతం చేసుకుంది.
* `రాజా` వంటి బ్లాక్బస్టర్ తరువాత వెంకటేష్, ముప్పలనేని శివ కాంబినేషన్లో వచ్చిన `సంక్రాంతి` కూడా అదే వరుసలో ఘనవిజయం సాధించింది.
* `సంక్రాంతి` (2005) చిత్రంలో వెంకటేష్కి తమ్ముడిగా నటించిన శర్వానంద్… 2006లో వచ్చిన `లక్ష్మీ` చిత్రంలోనూ వెంకటేష్ తమ్ముడి పాత్రలో నటించారు. ఈ రెండు సినిమాలూ ఘనవిజయం సాధించడం విశేషం.
[youtube_video videoid=zApfsNJJR8Y]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: