సూర్య ఎన్.జి.కె టీజర్ రిలీజ్ డేట్ ఫిక్స్

తమిళ స్టార్ హీరో సూర్య క‌థానాయ‌కుడిగా సెల్వ రాఘవన్ దర్శకత్వంలో తెరకెక్కుతున్న సినిమా ఎన్.జి.కె (నంద గోపాల‌న్ కుమార‌న్). పొలిటికల్ థ్రిల్లర్ గా తెరకెక్కుతున్న ఈసినిమా గత కొద్దికాలంగా షూటింగ్ జరుపుకుంటుంది. ఇక ఇప్పటికే విడుదల చేసిన ఫస్ట్ లుక్, సెకండ్ లుక్ పోస్టర్లకి మంచి రెస్పాన్స్ రావడంతో సినిమాపై భారీగానే అంచనాలు పెరిగాయి. ఇప్పుడు తాజాగా ఈ సినిమా టీజర్ డేట్ ను ఫిక్స్ చేశారు చిత్రయూనిట్. ప్రేమికుల దినోత్సవం ఫిబ్రవరి14 వ తేదీన ఈ సినిమా టీజర్ ను రిలీజ్ చేయనున్నారు.

కాగా ఈ సినిమాలో సూర్య సరసన ర‌కుల్ ప్రీత్ సింగ్, సాయి ప‌ల్ల‌వి క‌థానాయిక‌లుగా న‌టిస్తున్నారు. వారియ‌ర్ డ్రీమ్ పిక్చ‌ర్స్‌, రిలయ‌న్స్ ఎంట‌ర్‌టైన్‌మెంట్ సంస్థ‌లు నిర్మిస్తున్న ఈ చిత్రానికి ఎస్‌.ఆర్‌.ప్ర‌కాష్ బాబు, ఎస్‌.ఆర్‌.ప్ర‌భు నిర్మాత‌లు. యువన్ శంక‌ర్ రాజా సంగీత ద‌ర్శకుడు. మరి గత ఏడాది దీపావళికే ఈ సినిమాను రిలీజ్ చేయాలని ప్లాన్ చేశారు. కానీ కొన్ని కారణాల వల్ల సినిమాను రిలీజ్ చేయలేకపోయారు. మరి ఈ ఏడాది ఎప్పుడు సినిమాను రిలీజ్ చేస్తారో చూడాలి.