సాయిప‌ల్ల‌విని బీట్ చేసిన సాయిప‌ల్ల‌వి

Actress Sai Pallavi Beats Her Own Record, Heroine Sai Pallavi New Movie News, Latest Telugu Movie News, Sai Pallavi Beats Her Own Record, Sai Pallavi New Movies Updates, Sai Pallavi Next Project Details, Sai Pallavi Upcoming Film News, Telugu Filmnagar, TeluguFilm Updates, Tollywood Cinema Updates
Sai Pallavi Beats Her Own Record

ఈ త‌రం క‌థానాయిక‌ల్లో సాయిప‌ల్ల‌వి కున్న క్రేజే వేరు. న‌ట‌న‌, న‌ర్త‌న‌… ఈ రెండు విష‌యాల్లోనూ త‌న‌కు తిరుగులేద‌నిపించుకుంది ఈ అమ్మ‌డు. అంతేకాదు… ఫ‌లితాల‌తో సంబంధం లేకుండా త‌న‌కంటూ ఓ అభిమానగ‌ణాన్ని సంపాదించుకుందీ టాలెంటెడ్ బ్యూటీ. ముఖ్యంగా… సాయిప‌ల్ల‌వి డ్యాన్సుల‌కు `ఫిదా` కాని కుర్ర‌కారు ఉండ‌రంటే అతిశ‌యోక్తి కాదు. అందుకే… యూ ట్యూబ్‌లో సాయిప‌ల్ల‌వి న‌ర్తించిన పాట‌ల‌ను ప‌దే ప‌దే వీక్షిస్తూ… ఆమె పాపుల‌ర్ సాంగ్స్ ను కాస్త మోస్ట్ వ్యూయిడ్ సాంగ్స్ గా అంద‌ల‌మెక్కిస్తున్నారు యూట్యూబ్ వ్యూయ‌ర్స్‌. తాజాగా… ఈ ముద్దుగుమ్మ త‌న పాట రికార్డును త‌నే బ‌ద్ధ‌లు కొట్టింది.

ఆ వివ‌రాల్లోకి వెళితే… ద‌క్షిణాది పాట‌ల్లో యూ ట్యూబ్‌లో నిన్న‌టి వ‌ర‌కు సాయిప‌ల్ల‌వి న‌ర్తించిన‌ `ఫిదా`లోని `వచ్చిండే` పాట‌కు అత్య‌ధిక వ్యూస్ ఉన్నాయి. అయితే… తాజాగా ఆ పాట‌ను `మారి 2`లోని `రౌడీ బేబి` (త‌మిళ వెర్ష‌న్‌) పాట‌ బీట్ చేసింది. సెప్టెంబ‌ర్ 23, 2017న యూట్యూబ్‌లో అప్‌లోడ్ అయిన `వ‌చ్చిండే` పాట ఇప్ప‌టివ‌ర‌కు 182,270,453 వ్యూస్ రాబ‌ట్టుకుంటే… జ‌న‌వ‌రి 2, 2019న యూ ట్యూబ్‌లో అప్‌లోడ్ అయిన `రౌడీ బేబి` పాట కేవ‌లం 38 రోజుల్లోనే 182,958,879 వ్యూస్ రాబ‌ట్టుకుంది. ఈ రెండు పాట‌ల్లోనూ సాయిప‌ల్ల‌వి నృత్యాలు ప్ర‌ధాన ఆక‌ర్ష‌ణ అని ప్ర‌త్యేకంగా చెప్ప‌క్క‌ర్లేదు. మొత్త‌మ్మీద‌… సాయిప‌ల్ల‌వి రికార్డును సాయిప‌ల్ల‌వే బీట్ చేసింద‌న్న‌మాట‌.

Subscribe to our Youtube Channel Telugu Filmnagar for the latest Tollywood updates.
Download the My Mango App for more amazing videos from the Tollywood industry.


LEAVE A REPLY

Please enter your comment!
Please enter your name here