వరుస ఆఫర్లతో దూసుకుపోతున్న యువనటుడు

తెలుగు సినీ పరిశ్రమలో అడుగుపెట్టి అతి తక్కువ కాలంలో మంచి నటుడిగా గుర్తింపు తెచ్చుకున్నాడు యువ నటుడు చరణ్ దీప్. ‘పటాస్’ సినిమాతో నెగటివ్ షేడ్స్ లో నటించిన చరణ్ దీప్ ఆ తరువాత ‘లోఫర్’ సినిమాలో మెయిన్ విలన్ గా కనిపించాడు. ఈ సినిమాలో తన పాత్రకి మంచి రెస్పాన్స్ వచ్చిందని చెప్పొచ్చు. అంతేకాదు.. ‘బాహుబలి’లో కాలకేయ తమ్ముడిగానూ, ‘పీఎస్వీ గరుడవేగ’లో పోలీస్ పాత్రలో కనిపించి తన నటనతో మళ్లీ ఆకట్టుకున్నాడు. కల్కీ సినిమాలో కూడా చరణ్ దీప్ ఓ ముఖ్యమైన పాత్రలో నటిస్తున్నట్టు తెలుస్తోంది. గరుడ వేగలో పాజిటివ్ పాత్రలో నటించగా.. కల్కీ సినిమాలో నెగిటివ్ క్యారెక్టర్లో నటిస్తున్నాడు.

ఇక అన్నింటికంటే అత్యంత ప్రతిష్టాత్మకంగా స్వతంత్య్ర సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారంగా తెరకెక్కుతున్న బయోపిక్ లో కూడా నటించే అవకాశం దక్కించుకున్నాడు. సైరాలో ఓ కీలక పాత్రలోనే చరణ్ దీప్ నటిస్తున్నట్టు తెలుస్తోంది. ఇలా తన దగ్గరకు వచ్చిన ప్రతి అవకాశాన్నీ సద్వినియోగం చేసుకుని, విలక్షణ నటుడిగా మంచి పేరు తెచ్చుకున్నాడు.

కేవలం తెలుగులోనే కాదు.. తమిళ్, కన్నడ భాషల్లో కూడా మంచి అవకాశాలు దక్కించుకుంటున్నాడు ఈ యువ నటుడు. ఇప్పుడు కొత్త మేకోవర్ తో జుట్టు బాగా పెంచి, కొంచెం గడ్డంతో స్టైలిష్ లుక్ తో గెటప్ మార్చేశాడు. దీంతో ఇప్పుడు టాక్ ఆఫ్ ద టౌన్ అయ్యాడు. దీనిపై స్పందించిన ఆయన తమిళంలో ఓ భారీ సినిమాలో నటిస్తున్నా… కొత్త సినిమాల కోసం సరికొత్త మేకోవ‌ర్‌లోకి వచ్చానని చెబుతున్నాడు. మరి విలన్ గా అటు క్యారెక్టర్ ఆర్టిస్ట్ గా మంచి పేరు సంపాదింకోవాలని చూస్తున్న ఈ యువ నటుడు..బహు భాషా నటుడిగా ఎదిగి ఇంకా కెరీర్ లో దూసుకుపోవాలని కోరుకుందాం..