నాగార్జున‌, హ‌రికృష్ణ మ‌ల్టీస్టార‌ర్ `సీతారామ‌రాజు`కి 20 ఏళ్ళు

20 Years For Nagarjuna and Harikrishna Seetharama Raju,Telugu Filmnagar,Telugu Film Updates,Latest Telugu Movies 2019,Tollywood Cinema News,20 Years For Seetharama Raju Movie,20 Years Completed For Nagarjuna and Harikrishna Movie Seetharama Raju,Seetharama Raju Telugu Movie Latest News
20 Years For Nagarjuna and Harikrishna Seetharama Raju

తెలుగు చిత్ర ప‌రిశ్ర‌మ‌కు రెండు క‌ళ్ళ‌లాంటి న‌టులు… నంద‌మూరి తార‌క రామారావు, అక్కినేని నాగేశ్వ‌ర‌రావు. వీరిద్ద‌రి క‌ల‌యిక‌లో 14 చిత్రాలు రాగా… వాటిలో సింహ‌భాగం విజ‌యం సాధించాయి. అలాంటి ఈ ఇద్ద‌రి మ‌హాన‌టుల వార‌సులైన‌… నంద‌మూరి హ‌రికృష్ణ‌, అక్కినేని నాగార్జున కాంబినేష‌న్‌లో వ‌చ్చిన చిత్రం `సీతారామరాజు`. అన్న‌ద‌మ్ములు సీత‌య్య‌, రామ‌రాజు పాత్ర‌ల్లో హ‌రికృష్ణ‌, నాగార్జున ఒదిగిపోయి న‌టించిన వైనం… ఈ సినిమా విజ‌యానికి ప్ర‌ధాన బ‌లంగా నిల‌చింది. వై.వి.ఎస్‌.చౌద‌రి ద‌ర్శ‌క‌త్వంలో రూపొందిన ఈ చిత్రాన్ని గ్రేట్ ఇండియా ఎంట‌ర్‌టైన్‌మెంట్స్‌, కామాక్షి మూవీస్ ప‌తాకంపై నాగార్జున‌, డి.శివ‌ప్ర‌సాద్ రెడ్డి సంయుక్తంగా నిర్మించారు. స్వ‌ర‌వాణి కీర‌వాణి సంగీత‌మందించిన ఈ చిత్రంలో… నాగ్‌కి జోడీగా సాక్షి శివానంద్‌, సంఘ‌వి న‌టించ‌గా ఇత‌ర ముఖ్య పాత్ర‌ల్లో ర‌వితేజ‌, బ్ర‌హ్మాజీ, శివాజీ, మాన్య‌, క‌ల్ప‌న‌, చంద్ర మోహ‌న్‌, కోట శ్రీ‌నివాస‌రావు, నిర్మ‌ల‌మ్మ‌, స‌త్య ప్ర‌కాశ్, బ్ర‌హ్మానందం త‌దిత‌రులు న‌టించారు. ఫిబ్ర‌వ‌రి 5, 1999న విడుద‌లైన `సీతారామ‌రాజు`… నేటితో 20 వ‌సంతాల‌ను పూర్తి చేసుకుంటోంది.

`సీతారామరాజు`… కొన్ని విశేషాలు

* మ్యూజిక‌ల్ హిట్‌గా నిల‌చిన ఈ సినిమాలో నాగార్జున మొట్ట‌మొద‌టిసారిగా ఓ గీతాన్ని ఆల‌పించారు. `వినుడు వినుడు` అంటూ సాగే ఈ పాట అప్ప‌ట్లో అక్కినేని అభిమానుల‌ను ఎంత‌గానో అల‌రించింది.

* ఈ సినిమాలోని పాట‌ల‌న్నింటిని `ప‌ద్మ‌శ్రీ‌` సిరివెన్నెల సీతారామ‌శాస్త్రి ర‌చించారు.

* నాగార్జున నిర్మించిన `శ్రీ సీతారామ క‌ళ్యాణం చూత‌ము రారండి`తో ద‌ర్శ‌కుడిగా ప‌రిచ‌య‌మైన వైవీఎస్ చౌద‌రి… మొద‌టి సినిమాని అక్కినేని నాగేశ్వ‌ర‌రావు ప్ర‌ధాన పాత్ర‌లో రూపొందించ‌గా… రెండో చిత్రాన్ని ఆయ‌న వార‌సుడు నాగార్జున‌తో తెర‌కెక్కించ‌డం విశేషం. అలాగే… రెండో సినిమాని అరుదైన కాంబినేష‌న్‌(నాగార్జున‌, హ‌రికృష్ణ‌)లో రూపొందించి… ఇరు కుటుంబాల అభిమానుల‌ను అల‌రించారు.

* ఈ సినిమాకి ముందుగా అనుకున్న టైటిల్ `త‌మ్ముడు`. అయితే… కొన్ని కార‌ణాల వ‌ల్ల `సీతారామ‌రాజు` టైటిల్‌ని ఫిక్స్ చేశారు. అదే… సినిమాకి కూడా యాఫ్ట్‌గా నిల‌చింది. ఇక ఇదే ఏడాదిలో `త‌మ్ముడు` టైటిల్‌తో ప‌వ‌న్ క‌ళ్యాణ్ హీరోగా న‌టించిన సినిమా కూడా విడుద‌లై ఘ‌న‌విజ‌యం సాధించ‌డం విశేషం.

* వైజాగ్, విజయవాడ, కాకినాడ, గుంటూరు, తెనాలి కేంద్రాలలో ఈ సినిమా నేరుగా శ‌త‌దినోత్స‌వం జ‌రుపుకుంది.

Subscribe to our Youtube Channel Telugu Filmnagar for the latest Tollywood updates.
Download the My Mango App for more amazing videos from the Tollywood industry.


LEAVE A REPLY

Please enter your comment!
Please enter your name here