విక్ట‌రీ వెంక‌టేష్ నెక్ట్స్ ప్రాజెక్ట్ అప్ డేట్‌

`ఎఫ్ 2` ఘ‌న‌విజ‌యం… సీనియ‌ర్ క‌థానాయ‌కుడు విక్ట‌రీ వెంక‌టేష్‌లో స‌రికొత్త ఉత్సాహాన్ని నింపింది. `గురు` వంటి విజ‌యవంత‌మైన చిత్రం త‌రువాత… 21 నెల‌ల గ్యాప్ అనంత‌రం వ‌చ్చిన `ఎఫ్ 2`… వెంకీ కెరీర్‌లో మ‌ర‌పురాని విజ‌యాల‌లో ఒక‌టిగా నిలుస్తుంద‌న‌డంలో ఎలాంటి అతిశ‌యోక్తి లేదు. ఒక వైపు ఈ సినిమా విజ‌యాన్ని ఆస్వాదిస్తూనే… మ‌రో వైపు త‌దుప‌రి చిత్రాల‌ను పట్టాలెక్కించే ప‌నిలో ఉన్నారు ఈ మోస్ట్ టాలెంటెడ్ హీరో. త‌న మేన‌ల్లుడు నాగ‌చైత‌న్య‌తో క‌ల‌సి న‌టించ‌నున్న `వెంకీ మామ‌` త్వ‌ర‌లోనే రెగ్యుల‌ర్ షూటింగ్‌కు వెళ్ళ‌నుండ‌గా… అదే స‌మ‌యంలో సోలో హీరోగా మ‌రో ప్రాజెక్ట్‌ను కూడా సెట్స్ పైకి తీసుకువెళ్ళ‌నున్నారు వెంకీ. `నేను లోక‌ల్‌` ఫేమ్ త్రినాథ‌రావు న‌క్కిన ద‌ర్శ‌క‌త్వంలో తెర‌కెక్క‌నున్న ఈ సినిమాకు సంబంధించి… స్క్రిప్ట్ వ‌ర్క్ ఇప్ప‌టికే పూర్త‌యింద‌ని స‌మాచారం. ప‌క్కా క‌మ‌ర్షియ‌ల్ ఎంట‌ర్‌టైన‌ర్‌గా… వెంకీ మార్క్ కామెడీతో ఈ చిత్రం ఉంటుంద‌ని టాక్‌. అలాగే… ఈ రెండు చిత్రాల త‌రువాత ఏస్ ఫిల్మ్ మేక‌ర్ త్రివిక్ర‌మ్ శ్రీ‌నివాస్ ద‌ర్శ‌క‌త్వంలోనూ వెంకీ ఓ సినిమా చేయ‌నున్నాడు. మొత్తానికి… వెంకీ వ‌రుస సినిమాల‌తో అభిమానుల‌ను ఎంట‌ర్‌టైన్ చేయ‌డానికి స‌న్నాహాలు చేసుకుంటున్నార‌న్న‌మాట‌.