`దిల్` రాజుకు మ‌రోసారి అచ్చొచ్చిన సంక్రాంతి

నిర్మాత‌గా `దిల్` రాజుది 15 ఏళ్ళ ప్ర‌యాణం. ఈ జ‌ర్నీలో సింహ‌భాగం విజ‌యవంత‌మైన చిత్రాల‌ను అందించి… మోస్ట్ స‌క్సెస్‌ఫుల్ ప్రొడ్యూస‌ర్ అనిపించుకున్నారాయ‌న‌. 2017లో అయితే… డబుల్ హ్యాట్రిక్ విజ‌యాల‌ను అందుకుని ఓ సెన్సేష‌న్ క్రియేట్ చేశారు. ఇదిలా ఉంటే… సంక్రాంతి కానుక‌గా ఆయ‌న అందించిన తాజా చిత్రం `ఎఫ్ 2` బాక్సాఫీస్ వ‌ద్ద వ‌సూళ్ళ వ‌ర్షం కురిపిస్తోంది. వెంక‌టేష్‌, వ‌రుణ్ తేజ్ కాంబినేష‌న్‌లో తెర‌కెక్కిన ఈ సినిమా… మొద‌టి ఆట నుంచే హిట్ టాక్ తెచ్చుకోవ‌డ‌మే కాకుండా క‌లెక్ష‌న్ల విష‌యంలోనూ దూసుకుపోతోంది.

ఆస‌క్తిక‌ర‌మైన విష‌య‌మేమిటంటే… సంక్రాంతి సీజ‌న్‌లో రాజు నుంచి వ‌చ్చిన‌ నాలుగో చిత్ర‌మిది. గ‌తంలో ఆయ‌న నిర్మించిన `సీత‌మ్మ వాకిట్లో సిరిమ‌ల్లె చెట్టు`, `ఎవ‌డు`, `శ‌తమానం భ‌వ‌తి` చిత్రాలు సంక్రాంతి సంద‌ర్భంగా విడుద‌లై ఘ‌న‌విజ‌యం సాధించ‌గా… ఇప్పుడు `ఎఫ్ 2` కూడా అదే బాట‌లో వెళుతోంది. ఒక‌ప్పుడు స‌మ్మ‌ర్ సీజ‌న్‌లో భారీ విజ‌యాల‌ను అందుకున్న రాజు… ఇప్పుడు సంక్రాంతి సీజ‌న్‌లోనూ భారీ విజ‌యాల‌ను అందుకుంటూ `సంక్రాంతి` రాజు అనిపించుకుంటున్నారు. హార్టీ కంగ్రాట్స్ టు మోస్ట్ స‌క్సెస్‌ఫుల్ ప్రొడ్యూస‌ర్ `దిల్‌` రాజు!