విజ‌యా వారి ‘అప్పుచేసి పప్పుకూడు’కి ష‌ష్టి పూర్తి

`విజ‌యా వారి` సినిమాలంటే… కుటుంబ స‌మేతంగా చూడ‌ద‌గ్గ క‌మ‌నీయ దృశ్య‌కావ్యాలని నాటి తెలుగు ప్రేక్ష‌కుల మాట‌. ఇప్ప‌టికీ ఈ సినిమాలు బుల్లితెర‌పై వినోదాన్ని పంచుతుంటాయి. ‘పాతాళ‌భైర‌వి’, ‘మిస్స‌మ్మ‌’, ‘మాయాబ‌జార్’ వంటి విజ‌య‌వంత‌మైన చిత్రాల త‌ర్వాత ఈ సంస్థ అధినేత‌లు నాగిరెడ్డి, చక్ర‌పాణి నిర్మించిన సినిమా ‘అప్పుచేసి ప‌ప్పుకూడు’. త‌మిళంలో విడుద‌లైన ‘క‌డ‌న్‌ వాంగి క‌ళ్యాణం’కు రీమేక్‌గా ఈ చిత్రాన్ని నిర్మించారు. య‌న్.టి.రామారావు, సావిత్రి జంట‌గా ప్ర‌ముఖ ద‌ర్శ‌కులు ఎల్‌.వి.ప్ర‌సాద్ తెర‌కెక్కించిన ఈ చిత్రంలో… జ‌మున‌, జ‌గ్గ‌య్య‌, ఎస్‌.వి.రంగారావు, ర‌మ‌ణారెడ్డి, రేలంగి, గిరిజ‌, సూర్య‌కాంతం, ముక్కామ‌ల‌, అల్లు రామ‌లింగ‌య్య‌, క‌స్తూరి శివ‌రావు ఇత‌ర ముఖ్య‌పాత్ర‌లను పోషించారు. సాలూరి రాజేశ్వ‌ర‌రావు స్వ‌ర‌సార‌థ్యంలో రూపొందిన‌ ఈ సినిమాలోని పాట‌ల‌న్నీ విశేషాద‌ర‌ణ పొందాయి. ముఖ్యంగా ‘కాశీకి పోయాను రామాహ‌రే’, ‘ఎచ‌ట‌నుండి వీచెనో ఈ చ‌ల్ల‌ని గాలి’, ‘మూగ‌వైన’ పాట‌ల‌తో పాటు ‘అప్పుచేసి పప్పుకూడు’ టైటిల్ సాంగ్ కూడా బాగా పాపుల‌ర్ అయింది. 1959 జ‌న‌వ‌రి 14న విడుద‌లైన ‘అప్పుచేసి ప‌ప్పుకూడు’… నేటితో 60 వ‌సంతాల‌ను పూర్తి చేసుకుంటోంది.