అనుష్క సినిమాలో హాలీవుడ్ స్టార్ హీరో

భాగ‌మ‌తి మూవీ త‌ర్వాత దాదాపు అనుష్క సినిమా వచ్చి దాదాపు సంవ‌త్స‌రమైపోయింది. అప్పటి నుండి ఇప్పటివరకూ అనుష్క కొత్త సినిమా మాత్రం ప్రారంభం కాలేదు. ఇక ఈ ఏడాది అనుష్క కొత్త మూవీకి సైన్ చేసింది. థ్రిల్ల‌ర్ కాన్సెప్ట్ తో… హేమంత్ దర్శకత్వంలో తెరకెక్కుతున్న ఈ మూవీ షూటింగ్ మార్చి నుండి ప్రారంభం కానున్నట్టు తెలుస్తోంది.

ఇదిలా ఉండగా ఇప్పుడు మరో ఆసక్తికరమైన వార్త వినిపిస్తోంది. ఈ సినిమాలో హాలివుడ్ స్టార్ హీరో నటిస్తున్నట్టు తెలుస్తోంది. ‘మైఖేల్ మాడ్సన్’ కీలకమైన పాత్రలో కనిపించనున్నాడనేది తాజా సమాచారం. ఈ సినిమా ఎక్కువభాగం చిత్రీకరణ అమెరికాలో జరగనుండటంతో… అక్కడి షూటింగులో ఆయన పాల్గొంటాడట. దీంతో హాలీవుడ్ స్టార్ హీరో ఈ సినిమాలో చేయనున్నారనే విషయం ఈ సినిమాపై మరింత ఆసక్తిని పెంచేస్తోంది. మరి చూద్దాం హాలీవుడ్ హీరోనే ఈసినిమాలో చేస్తున్నాడంటే సినిమా ఏ రేంజ్ లో ఉంటుందో..

కాగా హేమంత్ మ‌ధుక‌ర్ ద‌ర్శకత్వం వహిస్తున్న ఈ సినిమాను పీపుల్ మీడియా ఫ్యాక్టరీ బ్యాన‌ర్ పై కోన వెంక‌ట్ నిర్మిస్తున్నారు. గోపీ సుంద‌ర్ సంగీతం అందిస్తున్నాడు.