స‌్టూడెంట్ పాత్ర‌లో ప్ర‌భాస్‌?

`బాహుబ‌లి` స్టార్ ప్ర‌భాస్‌… ప్ర‌స్తుతం రెండు త్రిభాషా చిత్రాల‌తో ఫుల్ బిజీగా ఉన్నాడు. అవుట్ అండ్ అవుట్ యాక్ష‌న్ ఎంట‌ర్‌టైన‌ర్‌గా సుజీత్ ద‌ర్శ‌క‌త్వంలో రూపొందుతున్న `సాహో` ఈ ఏడాది ఆగ‌స్టు 15న తెర‌పైకి రానుండ‌గా… `జిల్‌` రాధాకృష్ణ రూపొందిస్తున్న పేరు నిర్ణ‌యించిన పిరియాడిక్ ల‌వ్ స్టోరీ వచ్చే ఏడాది సంక్రాంతికి విడుద‌ల కానుంది. ఇదిలా ఉంటే… `జిల్‌` రాధాకృష్ణ చిత్రంలో ప్ర‌భాస్ పాత్ర‌కు సంబంధించి ఓ ఆస‌క్తిక‌ర‌మైన విష‌యం టాలీవుడ్ లో చక్కర్లు కొడుతోంది. అదేమిటంటే… ఈ సినిమాలో కొన్ని స‌న్నివేశాల్లో స్టూడెంట్‌గా సంద‌డి చేయ‌నున్నాడ‌ట ఈ యంగ్ రెబ‌ల్ స్టార్‌. క‌థలో భాగంగా వ‌చ్చే ఈ స‌న్నివేశాలు అభిమానుల‌ను ఎంతగానో ఎంట‌ర్‌టైన్ చేస్తాయ‌ని టాక్‌. అంతేకాదు… ఈ సినిమాలో వింటేజ్ కార్ ల‌వ‌ర్‌గానూ ఆయ‌న పాత్ర ఉంటుంద‌ని అంటున్నారు. కాగా… ఇప్ప‌టికే క్లైమాక్స్ ఎపిసోడ్స్ తాలూకు షూటింగ్ పూర్తిచేసుకున్న ఈ సినిమాకి `జాన్‌` అనే పేరు పరిశీలనలో ఉందంట. మరి వీటన్నింటిపై క్లారిటీ రావాలంటే కొద్ది రోజులు వెయిట్ చేయాల్సిందే. గోపీకృష్ణా మూవీస్‌, యూవీ క్రియేష‌న్స్ సంస్థ‌లు ప్ర‌తిష్ఠాత్మ‌కంగా నిర్మిస్తున్న ఈ చిత్రం భారీ బ‌డ్జెట్‌తో రూపొందుతోంది.