పూరి… ఆ సంగీత ద‌ర్శ‌కుడితో ఆరోసారి

Puri Jagannadh Ropes in Senior Music Director For Ismart Shankar,Telugu Filmnagar,Tollywood Cinema Latest News,Telugu Film Updates,Latest Telugu Movies 2019,Puri Jagannadh Upcoming Movie Music Director,Ismart Shankar Movie Music Director,Puri Jagannadh Next Film Music Director For Ismart Shankar,Ram Ismart Shankar Movie Updates
Puri Jagannadh Ropes In Senior Music Director For Ismart Shankar

డాషింగ్ డైరెక్ట‌ర్ పూరీ జ‌గ‌న్నాథ్‌… ప్ర‌స్తుతం `ఇస్మార్ట్ శంక‌ర్‌` అనే సినిమా చేస్తున్న సంగ‌తి తెలిసిందే. ఎన‌ర్జిటిక్ స్టార్ రామ్ హీరోగా న‌టిస్తున్న ఈ సినిమా రెగ్యుల‌ర్ షూటింగ్ ఈ నెల‌లోనే ప్రారంభం కానుంది. ఆ త‌రువాత నిర‌వ‌ధికంగా చిత్రీక‌ర‌ణ జ‌రిపి… వేస‌వి కానుక‌గా ఈ చిత్రాన్ని మే నెల‌లో విడుద‌ల చేయ‌డానికి స‌న్నాహాలు చేస్తున్నారు. ఇదిలా ఉంటే… ఈ సినిమాకి సంగీత ద‌ర్శ‌కుడిగా మెలోడీ బ్ర‌హ్మ మ‌ణిశ‌ర్మ‌ని ఎంచుకున్న‌ట్లు వార్త‌లు వ‌స్తున్నాయి. పూరి కెరీర్‌లో బిగ్గెస్ట్ హిట్‌గా నిల‌వ‌డ‌మే కాదు… ఇండ‌స్ట్రీ హిట్ అయిన `పోకిరి`కి మ‌ణిశ‌ర్మ బాణీలు అందించిన సంగతి తెలిసిందే. ఆ త‌రువాత ఈ ఇద్ద‌రి కాంబినేష‌న్‌లో `చిరుత‌`, `ఏక్ నిరంజ‌న్‌`, `కెమెరామేన్ గంగ‌తో రాంబాబు`, `టెంప‌ర్‌` (నేప‌థ్య సంగీతం) వ‌చ్చాయి. పాట‌ల ప‌రంగానే కాదు… నేప‌థ్య సంగీతం ప‌రంగానూ ఈ సినిమాలు నిరాశ‌ప‌ర‌చ‌లేదు కాబ‌ట్టి… ఈ కాంబోలో మ‌రో మ్యూజిక‌ల్ హిట్‌గా `ఇస్మార్ట్ శంక‌ర్‌`నిలుస్తుంద‌న‌డంలో అతిశ‌యోక్తి లేదు. అంతేకాదు.. `టెంప‌ర్‌` త‌రువాత స‌రైన విజ‌యం లేని పూరికి మ‌ణి మ‌రోసారి క‌లిసొస్తాడేమో చూడాలి. త్వ‌ర‌లోనే మ‌ణిశ‌ర్మ ఎంట్రీపై అధికారిక ప్రక‌ట‌న వ‌స్తుంది. కాగా… ఈ చిత్రంలో రామ్ స‌ర‌స‌న ఇద్ద‌రు హీరోయిన్‌లు న‌టించ‌నున్నారు. వారి వివ‌రాలు త్వ‌ర‌లోనే వెల్ల‌డి కానున్నాయి.

 

Subscribe to our Youtube Channel Telugu Filmnagar for the latest Tollywood updates.
Download the My Mango App for more amazing videos from the Tollywood industry.


Loading...

LEAVE A REPLY

Please enter your comment!
Please enter your name here