ట్రాక్ మార్చిన సాయి శ్రీ‌నివాస్… బ్లాక్ బ‌స్ట‌ర్ కొడ‌తాడా?

Bellamkonda Sreenivas Testing His Luck with New Directors,Telugu Filmnagar,Tollywood Cinema Latest News,Telugu Film Updates,Latest Telugu Movies 2018,Bellamkonda Sreenivas Latest Movies Updates,Bellamkonda Sreenivas New Movie,Kavacham Movie Latest Updates,Bellamkonda Sreenivas Upcoming Movies Details,Bellamkonda Sreenivas kavacham Movie Updates
Bellamkonda Sreenivas Testing His Luck with New Directors

ప్ర‌ముఖ నిర్మాత బెల్లంకొండ సురేష్ త‌న‌యుడిగా తెలుగు ఇండ‌స్ట్రీకి ప‌రిచ‌య‌మైన క‌థానాయ‌కుడు బెల్లంకొండ సాయి శ్రీ‌నివాస్‌. వి.వి.వినాయ‌క్ ద‌ర్శ‌క‌త్వంలో తెర‌కెక్కిన ‘అల్లుడు శీను’ సినిమాతో హీరోగా ఎంట్రీ ఇచ్చారు శ్రీ‌నివాస్‌. ఆ త‌ర్వాత భీమ‌నేని శ్రీ‌నివాస‌రావు డైరెక్ష‌న్‌లో ‘స్పీడున్నోడు’, బోయ‌పాటి శ్రీ‌ను ద‌ర్వ‌క‌త్వంలో ‘జ‌య జాన‌కి నాయ‌క’, డైరెక్ట‌ర్‌ శ్రీ‌వాస్ రూపొందించిన‌ ‘సాక్ష్యం’ చిత్రాల్లో న‌టించారు. ఈ చిత్రాల‌న్నింటిలోనూ త‌న డ్యాన్సుల‌తో, ఫైట్స్ తో మురిపించారు. కాగా… వీటిలో ‘అల్లుడు శీను’, ‘జ‌య జానకి నాయ‌క’ మంచి క‌లెక్ష‌న్ల‌ను ఆర్జించ‌గా… ‘స్పీడున్నోడు’, ‘సాక్ష్యం’ సినిమాలు మాత్రం ఆశించిన విజ‌యాల‌ను అందివ్వ‌లేక‌పోయాయి.

ఇదిలా ఉంటే… కెరీర్‌లో ఇంత‌వ‌ర‌కు అనుభ‌వ‌జ్ఞులైన ద‌ర్శ‌కుల‌తో సినిమాల‌ను చేస్తూ వ‌స్తున్న శ్రీ‌నివాస్… ఈసారి కొత్త డైరెక్ట‌ర్‌తో ఓ సినిమా చేసారు. ఆ చిత్ర‌మే కొత్త ద‌ర్శ‌కుడు శ్రీ‌నివాస్ మామిళ్ల తెరకెక్కించిన ‘క‌వ‌చం’. విజ‌య్ అనే ఒక పోలీస్ అధికారి త‌న‌పై వ‌చ్చిన ఆరోప‌ణ‌ల‌ను 24 గంట‌ల్లో ఎలా ఛేదించ‌గ‌లిగాడ‌న్న విష‌యాన్నే క‌థాంశంగా తీసుకుని ద‌ర్శ‌కుడు ఈ సినిమాను మ‌లిచారు. కెరీర్‌లో తొలిసారిగా పోలీస్ ఆఫీస‌ర్ పాత్ర‌లో న‌టించిన శ్రీ‌నివాస్‌కు ఈ సినిమాపై భారీ అంచ‌నాలే ఉన్నాయి.

అందుకు తగ్గ‌ట్టుగానే ఈ చిత్రం టీజ‌ర్, ట్రైల‌ర్ ఆస‌క్తిగా రూపొందాయి. రేపు (07.12.2018) విడుద‌ల కానున్న ఈ సినిమాలో శ్రీ‌నివాస్ స‌ర‌స‌న కాజ‌ల్ అగ‌ర్వాల్, మెహ‌రీన్ హీరోయిన్లుగా న‌టించారు. ఇప్ప‌టికే అగ్ర కథానాయిక‌లైన‌ స‌మంత‌, ర‌కుల్ ప్రీత్ సింగ్‌తో క‌లిసి న‌టించిన శ్రీ‌నివాస్… ఈసారి ఏకంగా ద‌శాబ్ద‌కాలంగా ఇండ‌స్ట్రీలో వెలుగొందుతున్న స‌క్సెస్‌ఫుల్ సీనియ‌ర్ హీరోయిన్ కాజ‌ల్ అగ‌ర్వాల్‌తో న‌టించ‌డం విశేషం. మ‌రి సాలిడ్ హిట్ కోసం ఎదురుచూస్తున్న శ్రీ‌నివాస్‌కి కొత్త డైరెక్ట‌ర్‌… మోస్ట్ ఎక్స్‌పీరియ‌న్స్డ్ హీరోయిన్ ఎంత‌వ‌ర‌కు ప్ల‌స్ అవుతారో చూడాలి.

Subscribe to our Youtube Channel Telugu Filmnagar for the latest Tollywood updates.
Download the My Mango App for more amazing videos from the Tollywood industry.

Loading...

LEAVE A REPLY

Please enter your comment!
Please enter your name here